河童闹肥黎“肉麻”　争宠“私怨行先”

　　中评社香港5月25日电／据文汇报报道，“港独”组织照计同“揽炒”媒体应该臭味相投吖，何解一丘之貉会狗咬狗骨呢？《苹果日报》（毒果）噚日用头版呼吁班“黄丝”用一人一信乞求美国狂人总统特朗普“救”香港，　仲要Hashtag（标签）“TrumpSavesHK”，大家都一定觉得班“汉奸”会前呼后应、狼狈为奸啦，点知一直乞求美国用所谓《香港人权与民主法案》制裁香港嘅“中箭”（香港众志）秘书长河童（黄之锋）竟然喺facebook发帖话：“睇到真系觉得有啲骨痹同埋肉麻”，仲话若果美国众议院议长佩洛西个幕僚电邮要佢解释“点解会咁”点算。唔少网民质疑，毒果肉麻啲啫，“佩洛西个幕僚”都可能会电邮搵佢问责，咁河童都真系几“得宠”喎！

　　系咪得宠就唔知，但系咁关顾主人嘅感受，汉奸嚟讲就真系做足本分喇。河童喺篇贴文闹毒果：“表露无遗画公仔画出肠叫（美国共和党）特朗普拯救香港......睇到真系觉得有啲骨痹同埋肉麻......美国民主党嘅国会议员睇到有咩感觉？万一听日佩洛西个幕僚email问我点解会咁，我谂要有一个完整说法都唔系咁容易。”

　　见到河童咁踩毒果，自然有唔少“不分化”挂嘴边嘅“黄丝”寸返佢啦！好似“Alex　Ho”就图文并茂咁话：“你又拎住trump　trump（特朗普）签名影相？”

　　至于美国总统唔代表跨党派嘅河童逻辑，唔少网民就话“笑咗”！“Kong　Chun　Yin”话：“笑左（咗）！民主党上场会唔会仲强硬对付中国都成问题啦！日日系（喺）度帮贝落西（佩洛西）奶×反trump（特朗普）鬼唔知你地（哋）同美国既（嘅）联系从来唔包共和党咩！”佢仲质疑美国民主党根本唔系想“对香港有益”，闹河童“脱离现实”、“私怨行先”。

　　“Le　Klein　Yeung”就教返河童啲简单逻辑：“讲president（特朗普）系讲紧佢嘅权威，唔通一人一信去佩洛西？如果work，都做呀。”“Pak　Kei　Wong”都闹河童：“我×你老×啦，唔系搵人哋国家个总统求救，唔通搵你嗰啲湿×议员求救？唔×识政治就返屋企啦，死政棍。仲话自己香港自己救，学你话斋『u　no　gun』（革命是要军火的）呀，×样！”“Anton　T　Wong”更直言：“你叫佢救你姐（啫）其实，扮乜×救香港，收埋收埋咁多黑金惊冇命洗（使）呢？”