前区议员王进洋无“粮支”转行做餐饮

　　中评社北京10月26日电／据大公文汇全媒体报道，因宣誓无效而被DQ嘅离岛前区议员王进洋，日前喺社交平台话，好感恩搵到新工作，速度较预期快，将会从事餐饮业，以日薪计算，地点不方便透露，但佢话更表时间都乐观，收工后可以继续处理社区事务。查实，王进洋自知喺当选之前，自己只系一介平民，连大学学位都无，话出到嚟呢个社会都唔使旨意有客观嘅竞争力可言，呢两年嘅任期系上天赐比佢最好嘅礼物喎。家吓无咗区议员份粮，梗系要马死落地行啦。

　　话说，早前有网友喺fb发帖，大大只字tag王进洋，问佢系咪好等钱使，仲踢爆话︰“周围问同事借钱，你份人工捐左（咗）未？d（啲）同事又问我，你发生咩事啦，担心你呀。”短短几句说话就派到一街花生。唔知王进洋找晒数未呢？