当前位置: > 中评电讯 > 被哄买壹仔股票 黄丝损手爆内讧

热点搜索

被哄买壹仔股票 黄丝损手爆内讧

黄丝被哄入股壹传媒,昨日蚀到“一壳眼泪”。facebook截图

  中评社香港8月13日电/香港文汇报报道,壹传媒创办人黎智英日前涉嫌违反香港国安法被捕,一众“黄丝”喺“独”客嘅煽动下纷纷入股壹传媒,声称以此表示自己“支持肥佬黎”,令股价日前飙升,搞到佢哋仲以为自己搞咗嗰全新“抗争武器”。不过噚日只股就跌到含含声,于是班醒目“黄丝”又开启“捉鬼”模式。以咁嘅思维学人炒股,唔怪得被人揶揄按照佢哋思路,噚日只股大跌,即系“香港民主最黑暗嘅一日”咯。

  高位沽货赚钱者被骂为“鬼”

  日前有班“独”客喺fb专页上不断煲大买壹传媒股票等于“支持肥佬黎”呢件事,包括“浑水”话自己已大手买入,“港独”歌手何韵诗则称“系咁意买咗几手282”,叫人“支持肥佬黎”。只股喺呢啲人吹奏下就突然爆升,搞到好多“黄丝”落迭。好嘞,高追嗰班今日即刻蚀到摊摊腰。有份叫人入股,但原来喺股价升到咁上下已经即时斩缆放咗嘅“浑水”,即刻被一众“黄丝”放上“连登”“公审”,话佢说人买股,系“鬼”。

  原名叶键濠嘅电台节目主持“健吾”睇唔过眼,话“浑水”“叫人买股票,身体力行,赚到钱=鬼。歌手叫人买股票,都系买果(嗰)只,自己有冇买唔知=人......我只可以认真同大家讲一句:信儿登,信呢d(啲)唔知咩人搞既group,你会死得不明不白”。

  “浑水”当然有嘢讲啦。佢主动开post回应事件,仲不忿何韵诗post like数高过自己,“无神论者巴别塔”嘅买入价低过自己,但自己却被人围攻,又话“大把人赢钱赢多过我,我都冇道德勒索佢哋叫佢哋呕出嚟帮手足,做乜×呀我自愿做多咗仲反而俾人×。”

  网民讽“民主最黑暗一日”

  “黄丝”见只股票升咗就系香港“反抗有力”,输咗就系有鬼。fb专页“政治大婶判”噚日就开post话,“寻(前)日连登仲讲紧《从壹传媒股价暴升,反映出香港人经济实力好强》;彭博又话《反抗镇压股票成港人最新抗争武器》......咁今(噚)日系唔系《香港民主最黑暗嘅一日》?”

本文网址:http://www.crntt.cn/112789.html

欢迎转载,转载请注明出处