服务差惹“手足”声讨　水果黄店终跪低

　　中评社香港1月21日电／据大公报报道，时下“黄色经济圈”兴起，不少商铺、企业贴以黄色标签，鼓动“手足”撑场。但黄店质素参差不齐，屡被连登仔吐槽。有售卖水果的黄店“叶宗记”因服务不周，引发“手足”声讨，话“直头系黑店”。

　　事发于上周日，有黄丝称想过大礼，谂住送阿爸阿妈锺意食嘅水果，于是就揾呢间黄店。呢个黄丝顾客一开始就讲明要本月20或21号送货，叶宗记亦确认咗送货时间。不过19日，间店无啦啦提前送货畀客人，明知错咗时间，又叫客人当日收，并话“放入雪柜可以keep耐啲”，随后又未经客人准许，将水果放低喺客人座头。客人用番WhatsApp揾佢，间店显示在线状态，但未有回覆，并封锁客人，更将客人喺Facebook上嘅留言删除。大量黄丝狂数“叶宗记”不是，埋怨“讲好晒日期confirm埋都可以送错日期，依啲系好基本要求，唔系黄店就大晒嘅”，又批间店“从头到尾都无道过歉”。

　　“叶宗记”老板王嘉雯昨日跪低，喺Fb发道歉信话“一定唔会再做类似行为，并会正面面对所有客人嘅评价。”不过黄丝并不买账，扬言“永不录用”。

　　去年八月已被批货不对办

　　去年八月，亦有黄丝喺网上发文大批“叶宗记”无责任。佢话喺呢间铺订提子，但当到货嘅时候，“束提子已经烂晒又淋，里面仲有黑色嘅发霉菌，同post出嚟嘅图片完全不一样”。客人跟店铺联络售后，但间店在线状态，睇完顾客信息，却已读不回。客人狠批“呢啲咁无承诺咁无责任嘅公司仲值得大家去帮衬咩？”其实前有龙门烂账，后有渣哥卖“人血薯条”，如今面对“叶宗记”的烂果，郑晴只想话畀连登仔知：“黄圈真乱！”

本文网址：http://www.crntt.cn/138369.html

欢迎转载，转载请注明出处